دبئی(پوائنٹ پاکستان )پاکستانی معروف اداکارہ سجل علی نے’فلم فیئر مڈل ایسٹ اچیورز نائٹ‘ کے موقع پرایوارڈ وصول کرنے کے بعد اظہارِ خیال کرتے ہوئے کہا کہ ’میں ہمیشہ سے یہ چاہتی تھی کہ مجھے کبھی موقع ملے تو میں اس ایک شخص کا شکریہ ضرور ادا کروں گی، جنہوں نے مجھ پر سب سے پہلے یقین رکھا اور پہلی بار مجھے بہت سارے لوگوں کے سامنے پَرفارم کرنے کا موقع فراہم کیا‘۔سجل علینے سینئر اداکار ہمایوں سعید کا شکریہ ادا کرتے ہوئے انکشاف کیا کہ وہ شخص ہمایوں ہیں جنہوں نے سجل کو اداکاری کا موقع فراہم کیا اور وہ آج اتنی بڑی اداکارہ بن چکی ہیں۔اداکارہ کی یہ ویڈیو سوشل میڈیا پر خوب وائرل ہو رہی ہے، سجل نے ہمایوں سعید کو مخاطب کرتے ہوئے کہا کہ ’سر مجھ پر بھروسہ کرنے کے لیے بہت شکریہ‘۔ سجل کی اس ایوارڈ شو میں بھارتی اداکارہ سری دیوی کی بیٹی جھانوی کپور سے بھی ملاقات ہوئی ان کی دوستی والدہ کے ساتھ سجل کی فلم ’موم‘ کی شوٹنگ کے دوران ہوئی تھی تاہم بھارتی حکومت کی لگائی گئی پابندی کے باعث سالوں سے پاکستانی اداکاروں کی بھارتی اداکاروں سے ملاقات نہ ہو سکی تھی۔یاد رہے کہ سجل علی نے اپنے کیریئر کا آغاز 2011ءمیں ڈرامہ سیریل ’محمودآباد کی ملکائیں‘ سے کیا تھا جو ہمایوں سعید کے پروڈکشن ہاوس ’سکس سِگما پلس‘ کی تخلیق تھا اور اس کے بعد کچھ ہی سالوں میں سجل علی دنیا بھر میں پاکستان کی بہترین اداکارہ بن کر ا±بھریں۔
