دہلی(پوائنٹ پاکستان) میڈیا رپورٹس کے مطابق چاروں دوستوں کا تعلق انڈیا سے ہے اور وہ بہار سے دہلی جارہے تھے اوران کی گاڑی کو حادثہ بھارتی ریاست اترپردیش میں پیش آیا۔
میڈیا رپورٹس کے مطابق بی ایم ڈبلیو میں سوار چار دوست تیز رفتاری میں گاڑی چلا رہے تھے اور وہ اس دوران فیس بک پر لائیو سٹریمنگ بھی کررہے تھے جس میں وہ یہ بتارہے تھے کہ گاڑی کی سپیڈ 230کلو میٹر فی گھنٹہ ہے جبکہ گاڑی 300 کلو میٹر فی گھنٹہ کو پہنچنے والی ہے اور ہم چاروں ہی مریں گے۔پولیس کے مطابق اسی دوران تیز رفتار گاڑی ایک ٹرک میں جا گھسی جس سے گاڑی میں سوار چاروں دوست باہر جا گرے اور موقعے پر ہی زندگی کی بازی ہارگئے۔
فیس بک کی لائیو سٹریمنگ کے دوران چار دوستوں کی طرف سے بولا جانے والا جملہ سچ ثابت ہوگیا۔ بی ایم ڈبلیو میں سوار چار دوستوں کو معلوم نہ تھا کہ مذاقاً بولا جانے والا جملہ اتنی جلدی سچ ثابت ہوجائےگا۔
