لاہور:( پوائنٹ پاکستان) پاکستان کی معروف اداکارہ حبا بخاری نے کہا ہے کہ انکی شادی میں زیادہ رسمیں نہیں ہوئیں، شادی میں صرف انگلی پکڑائی اور جوتا چھپائی کی رسم ہوئی۔
اداکار حبا بخاری نجی ٹی وی چینل کے کامیڈی شو ”ہنسنا منع ہے“ میں اپنے شوہر سید آریز احمد کے ہمراہ مہمان بنیں۔
پروگرام میں سوالات کا جواب دیتے ہوئے اداکارہ کا کہنا تھا کہ انکی شادی میں انٹری کے دوران آریز نے کہا کہ مجھے پھول کیوں مار رہے ہیں۔ رخصتی میں گاڑی میں نے نہیں چلائی۔
اداکارہ نے کہا کہ شادی کے بعد اور پہلے کام کرنے میں بہت فرق ہے، وہ آریز کے ساتھ کام کرنا چاہتی ہیں۔
حبا کا مزید کہنا تھا کہ ہر کسی کی اپنی پرسنل لائف ہے، لوگوں کو اسپیس دینا چاہیے۔ جہاں بھی ہوں لوگوں کو راستہ دینا سیکھیں۔
اداکارہ نے نے کہا کہ رش کے وقت یا دور جانا ہو تو گاڑی آریز نہیں بلکہ وہ ڈرائیو کرتی ہوں۔
تابش ہاشمی کے سوالات پر اداکار آریز نے کہا کہ انگلی چھڑانے کے لیے حبا کے گھر والوں کو ڈیڑھ لاکھ روپے دیے تھے، حبا کی اداکاری مجھ سے بہتر ہے۔ وہ اگر اداکار نہ ہوتا تو پائلٹ یا کرکٹر ہوتا۔
