میرپور(پوائنٹ پاکستان ) بنگلادیش نے دوسرے میچ میں دلچسپ مقابلے کے بعد مہمان ٹیم کو 5رنز سے شکست دیدی۔بنگلادیش نے بھارت کے خلاف 7وکٹ پر 271رنز بنائے، 69 پر 6 پلیئرزآٹ ہونے کے بعد مہدی حسن مرزا نے 100 ناٹ آٹ اور محمود اللہ نے77رنز بنا کر ٹیم کو قابل قدر مجموعے تک رسائی دلائی،یہ مہدی کے کیریئر کی پہلی ون ڈے سنچری شمار ہوئی، دونوں نے ساتویں وکٹ کے لیے 148 کی ساجھے داری قائم کی، عمران ملک اور محمد سراج نے 2،2 وکٹیں نام کیں۔بھارت کی جوابی اننگز 9 وکٹ پر 266 رنز تک محدود رہی پائی، ٹیم کو اختتامی 2 بالز پر 12 رنز درکار تھے ، روہت نے پانچویں گیند پر مستفیض کو چھکا جڑکر سنسنی بڑھائی لیکن اختتامی یارکر پر وہ کوئی رن نہ بنا پائے، اس سے قبل 49 ویں اوور میں روہت کے 2 کیچز بھی ڈراپ ہوئے، انھوں نے28 بالز پر 51 رنز ناٹ آٹ بنائے لیکن ٹیم کو فتح نہ دلاسکے۔انجری کے سبب روہت اوپننگ نہیں کر سکے تھے، شریاس آئر 82 اور اکشر پٹیل 56 رنز بناکر رخصت ہوئے،عبادت حسین نے 3 وکٹیں لیں۔بنگلادیشی آل رانڈر مہدی حسن مرزا نے بھارت کیخلاف ناقابل شکست سنچری بنا دی، انھوں نے 83 گیندوں کا سامنا کرتے ہوئے 8 چوکے اور 4 چھکے جڑے، آٹھویں نمبر پر بیٹنگ کے لیے آنے والے مہدی نے 100 رنز ناٹ آٹ بنائے، ان سے قبل نیوزی لینڈ کے سمی سنگھ نے گذشتہ برس جنوبی افریقہ کیخلاف بھی اسی پوزیشن پر بیٹنگ کرتے ہوئے 100 رنز ناٹ آٹ بنائے تھے۔مہدی اب اس منفرد ریکارڈ میں ان کے ساجھے دار بن گئے ہیں۔اسی میچ میں مہدی حسن اور محمود اللہ کے درمیان ساتویں وکٹ کے لیے 148 کی شراکت بھارت کیخلاف کسی بھی وکٹ کے لیے بنگلہ دیش کی بڑی پارٹنر شپ شمار ہوئی۔
