لاہور (پوائنٹ پاکستان) صوبائی دارلحکومت لاہور میں موسم سرما کے آغاز کے ساتھ ہی اسموگ میں بھی اضافہ ہوگیا اور باغوں کا شہر کہلائے جانیوالا شہر ایک بار پھر دنیا کے آلودہ ترین شہروں میں سرفہرست آگیا ۔تفصیلات کے مطابق لاہور میں گزشتہ ہفتے ہونے والی بارش کے بعد اسموگ میں کچھ کمی واقع ہوئی تھی تاہم سردی اور خشک موسم بڑھتے ہی اسموگ کی سطح بھی بلند ہونا شروع ہوگئی اور ہر گزرتے دن کے ساتھ شہر میں اسموگ میں اضافہ ہو رہا ہے۔محکمہ ماحولیات کے مطابق گزشتہ 24گھنٹوں کے دوران کرول گھاٹی میں اے کیو آئی 248 رہا،مال روڈ اور ٹاﺅن ہال پر ائیر کوالٹی انڈیکس 115 رہا۔ جبکہ ٹاﺅن شپ میں ائیر کوالٹی انڈیکس 97 ریکارڈ ہوا۔جس نے شہر کو ایک بار پھر دنیا کے آلودہ ترین شہروں میں سرفہرست ہوگیا ۔محکمہ موسمیات کے مطابق آئندہ چند روز میں شہر میں بارش کا کوئی امکان نہیں ۔ دوسری جانب اسموگ بڑھنے سے گلے، سینے اور سانس کے امراض میں اضافہ ہو رہا ہے بالخصوص دمہ کے مریضوں کی مشکلات بڑھ گئی ہیں۔
