بہاولنگر(پوائنٹ پاکستان)ڈسٹرکٹ پولیس آفیسر محمد ظفر بزدار نے کہا ہے پولیس افسران سائلین کو انصاف انکی دہلیز پر فراہم کرتے ہوئے جرائم کے خاتمہ کو یقینی بنائیں وزیراعلی پنجاب کے ویژن اور آئی جی پنجاب کی ہدایات پر اوپن ڈور پالیسی کے تحت کھلی کچہری لگانا وقت کی اہم ضرورت ہے پولیس افسران و ملازمین خوش اخلاقی کو شعائر بنائیں جرائم کے خاتمہ کو یقینی بنانے کے لیے عوام پولیس کے ساتھ تعاون کرے۔
تفصیلات کے مطابق وزیر اعلیٰ پنجاب جناب سردار محمد عثمان بزدارکے ویژن اور انسپکٹر جنرل آف پولیس پنجاب راؤ سردار علی خاں کے احکامات پر عمل درآمد کرتے ہوئے ڈسٹرکٹ پولیس آفیسر محمد ظفر بزدار نے تھانہ سٹی بی ڈویژن بہاولنگر میں کھلی کچہری لگائی اس موقع پرایس ڈی پی او صدر سرکل ندیم افضال بھی موجود تھے۔کھلی کچہری میں شہریوں کی بڑی تعداد موجود تھی۔
ڈی پی او ظفر بزدار نے کھلی کچہری میں سائلین کے مسائل تفصیلی طور پر سنے اوران کے حل کے لیے موقع پر احکامات جاری کیے۔بعد ازاں خطاب کرتے ہوئے ڈی پی او کا کہنا تھا عوامی مسائل کا حل پولیس کی اولین ترجیح ہے ہماری کوشش ہے کہ عوام کے مسائل ان کی دہلیز پر حل کیے جائیں پولیس اور عوام کے درمیان حائل خلیج کو دور کرنے کے لیے عملی اقدامات جاری ہیں میرے دورازے عوام الناس کے لیے ہمہ وقت کھلے ہیں لوگ جب چاہیں بلا جھجک اپنے مسائل کے حل کے لیے آسکتے ہیں۔
