اسلام آباد:(پوائنٹ پاکستان) پاکستان ہاکی فیڈریشن نے پاکستانی ہاکی ٹیم کے سابق کپتان اولمپیئن رشید الحسن پر10 سال کی پابندی عائد کر دی،رشید الحسن نے پابندی کو عدالت میں چیلنج کرنے کا اعلان کردیا۔
تفصیلات کے مطابق پاکستان ہاکی فیڈریشن کے سیکریٹری آصف باجوہ نے ہاکی ٹیم کے سابق کپتان رشید الحسن پرپابندی کی تصدیق کرتے ہوئے کہا کہ پابندی وفاقی حکومت کی ہدایت پر عائد کی گئی ہے،ان کا کہنا تھا کہ رشید الحسن جونئیر نے پاکستان ہاکی فیڈریشن کی جانب سے بھیجے گئے شوکاز نوٹسز کا بھی جواب نہیں دیا، وفاقی حکومت نے رشید الحسن کے ریمارکس کا سخت نوٹس لیا ہے،رشید الحسن پرٹی وی پروگرامز میں شریک ہونے سے روکنے کے لئے پیمرا کوبھی خط لکھ دیا گیا ہے۔
