کراچی:(پوائنٹ پاکستان) سوشل میڈیا پر جمعرات کو ایک شخص کی مسافر سیٹ پر شیر کے ساتھ گاڑی چلانے کی ویڈیو وائرل ہو رہی ہے۔
ویڈیو میں ایک شخص کو کراچی کے پوش علاقے میں ایک لگژری کار چلاتے ہوئے دیکھا جا سکتا ہے جس کے ساتھ ایک شیر مسافر سیٹ پر بیٹھا ہوا ہے جس کا چہرہ کھڑکی سے باہر ہے۔
ویڈیو سوشل میڈیا پر وائرل ہونے کے بعد محکمہ وائلڈ لائف سندھ کے حکام نے کافی شواہد اکٹھے کرنے کے بعد اس فرد کے خلاف کارروائی کا عزم ظاہر کیا۔ تاہم ابھی تک اس بات کی تصدیق نہیں ہو سکی کہ یہ ویڈیو کس علاقے سے سامنے آئی ہے۔
محکمہ وائلڈ لائف کے مطابق قانون شہریوں کو کسی بھی جنگلی جانور کو رکھنے کی اجازت نہیں دیتا اور خلاف ورزی پر 500,000 روپے تک جرمانہ ہو سکتا ہے۔
