پشاور:(پوائنٹ پاکستان)صوبہ خیبرپختونخوا کے صوبائی دارالحکومت پشاور میں سر میں کیل والی خاتون باز گلہ کے پڑوسی نے الگ ہی کہانی بتا دی ہے، متاثرہ خاتون نے بیٹے کی خواہش اور جعلی پیر سے متعلق دونوں باتوں کو مسترد کردیا۔
نجی ٹی وی چینل سے گفتگو میں متاثرہ خاتون کا کہنا تھاکہ اس کے دو بیٹے پہلے ہی ہیں، اسپتال لاتے وقت بے ہوش تھی اور ڈاکٹرز سے کوئی بات نہیں کی، ڈاکٹرز جھوٹ بول رہے ہیں،خاتون کا کہنا تھا کہ مجھ پر جنات آتے ہیں، کمرے سے کیل نکال رہی تھی تو بے ہوش ہوگئی، جب آنکھ کھلی تو ہسپتال میں تھی اور لوہے کی کیل میرے سر میں تھی۔
دوسری جانب اب متاثرہ خاتون کے پڑوسیوں نے الگ ہی کہانی بتا دی ہے۔ پڑوسی نے بتایا ہے کہ خاتون اپنے گھر کی چھت سے گری تھی۔
خیال رہے کہ پشاور میں خاتون کے سر میں کیل ٹھوکنے کا واقعہ 7 فروری کوسامنے آیا تھا، خاتون کا لیڈی ریڈنگ اسپتال میں آپریشن کرکے کیل کو نکالا گیا تھا۔ واضح رہے اس واقعے کی خبر سب سے پہلے” پوائنٹ پاکستان ” ویب سائٹ نے شائع کی تھی۔
جعلی پیر نے خاتون کے سر میں کیل ٹھوک دی ، دعا دی کہ اب بیٹا پیدا ہو گا
