میانوالی: ( پوائنٹ پاکستان) ضلع میانوالی کے محلہ نورپورہ میں 7 دن کی معصوم بیٹی کو سفاک باپ نے پسٹل سے 5 فائر کرکے قتل کردیا۔
نجی ٹی وی چینل ایکسپریس نیوز کے مطابق ضلع میانوالی کے محلہ نورپورہ میں سفاک باپ شاہزیب نے غصے میں آکر اپنی 7 دن کی معصوم بچی کو فائرنگ کرکے قتل کردیا اور فرار ہوگیا۔
پولیس نے ابتدائی تفتیش کرنے کے بعد میڈیا کو بتایا کہ اسپتال ذرائع سے معلوم ہوا ہے کہ ظالم باپ شاہزیب کو غصہ تھا کہ بیٹی کیوں پیدا ہوئی اور غصے پر قابو نہ رکھتے ہوئے بچی کی پیدائش کے 7 دن بعد اسے قتل کرنے کا قدم اٹھایا۔
ڈی پی او میانوالی کھاڑک ڈسٹرکٹ ہیڈ کوارٹر ہسپتال پہنچ گئے اور سفاک ملزم کی جلدازجلد گرفتاری کا حکم دیا۔ ڈی پی او اسمعیل الرحمن نے کہا کہ ایسے گھناؤنے جرم میں ملوث ملزمان کے خلاف میانوالی پولیس زیرو ٹالیرنس پر عمل پیرا ہے۔
