سڈنی:(پوائنٹ پاکستان)آسٹریلیا کرکٹ ٹیم سپن بولنگ کوچ کے بغیر پاکستان آئے گی،ذرائع کے مطابق بھارت سے تعلق رکھنے والے کوچ سری دھرن سریرام ٹیم کے ہمراہ پاکستان نہیں آئیں گے۔
میڈیا رپورٹس کے مطابق کرکٹ آسٹریلیا کا کہنا ہے کہ نیوزی لینڈ کے ڈینیل ویٹوری سے معاملات وقت کی کمی کی وجہ سے ممکن نہیں ہو سکی،واضح رہے کہ کچھ روز قبل آسٹریلوی کرکٹ بورڈ نے دورہ پاکستان کے لیے 18 رکنی ٹیسٹ اسکواڈ کا اعلان کیا تھا۔
آسٹریلیا کرکٹ ٹیم کی قیادت پیٹ کمنز کریں گے جبکہ سٹیو اسمتھ نائب کپتان ہوں گے۔گزشتہ دنوں کرکٹ آسٹریلیا نے بورڈ میٹنگ کے بعد دورہ’ پاکستان کی باضابطہ تصدیق کی تھی
پاکستان کرکٹ بورڈ ( پی سی بی) نے دورے کے نئے شیڈول کا اعلان کیا تھا، یہ دورہ اب کراچی کے بجائےراولپنڈی سے شروع ہوگا اور راولپنڈی ہی میں ختم ہوگا۔ رپورٹ کے مطابق آسٹریلوی ٹیم 4 سے 8 مارچ تک راولپنڈی میں پہلا ٹیسٹ میچ کھیلے گی، وائٹ بال میچز نیشنل اسٹیڈیم لاہور کی بجائے راولپنڈی میں کھیلے جائیں گے۔کینگروز 5 اپریل کو راولپنڈی میں آخری ٹی 20 انٹرنیشنل میچ کھیل کر وطن لوٹ جائیں گے۔ واضح رہے آسٹریلین ٹیم 1998ء کے بعد پہلی مرتبہ پاکستان کا دورہ کررہی ہے۔
