تہران(پوائنٹ پاکستان)غیرملکی میڈیا کے مطابق ایران کی عدلیہ کے آن لائن پورٹل میزان پر جاری بیان میں کہا گیا کہ فٹ بال ورلڈ کپ میں ایران کی ویلز کے خلاف دو صفر سے فتح کے بعد ملک کی مختلف جیلوں میں قید 709 قیدیوں کو رہا کردیا گیا۔رہائی پانے والوں میں ایران میں جاری حکومت مخالف مظاہروں میں گرفتار کیے گئے افراد بھی شامل ہیں۔ ورلڈ کپ میں ایران کا پہلا میچ انگلینڈ سے ہوا تھا جس میں انگلینڈ نے ایران کو دو کے مقابلے میں چھ گول سے شکست دی تھی۔
