باجوڑ(پوائنٹ پاکستان)تفصیلات کے مطابق امیر جماعت اسلامی پاکستان سراج الحق کا کہنا ہے کہ اسٹیبلشمنٹ لوگوں کو لڑوا کر تماشا دیکھتی ہے، اب وقت آگیا ہے کہ اسٹیبلشمنٹ اور عدلیہ نیوٹرل ہوجائیں۔باجوڑ میں جلسہ عام سے خطاب کرتے ہوئے امیر جماعت اسلامی پاکستان سراج الحق نے کہا کہ حقوق قبائل لانگ مارچ انضمام کے وقت کیے گئے وعدوں کو نہ نبھانے کے خلاف ہے، حکومت اور اسٹیبلشمنٹ نے جو وعدے کیے جھوٹے ثابت ہوئے۔انہوں نے کہا کہ 75سال سے ملک یہی تماشا جاری ہے کہ فوج کبھی ایک کو حکومت دیتی ہے اور کبھی دوسرے کو، اب وقت آگیا ہے کہ اسٹیبلشمنٹ نیوٹرل ہوجائے،اسٹیبلشمنٹ لوگوں کو لڑوا کر تماشا دیکھتی آئی ہے جسے ختم ہونا چاہیے۔اس موقع پر دیگر مقررین نے عزم کا اظہار کیا کہ قبائلی عوام کے حقوق لینے کیلئے ہر حد تک جائیں۔
