اسلام آباد(پوائنٹ پاکستان)تفصیلات کے مطابق سابق وفاقی وزیر اطلاعات فواد چودھری نے کہا ہے کہ پی ڈی ایم کی حکومت نے معیشت کے ساتھ جو کھلواڑ کیا اس کی مثال نہیں ملتی۔ ٹوئٹر پر فواد چودھری نے کہا کہ سٹیٹ بینک نے زرمبادلہ ذخائر سے متعلق اعداد و شمار جاری کئے ہیں جس نے خطرے کی گھنٹی بجادی ہے، جس دن عدم اعتماد کی تحریک لائی گئی زرمبادلہ ذخائر 16 بلین ڈالر تھے۔سابق وفاقی وزیر کا کہنا تھا کہ زرمبادلہ ذخائراب 6.1 بلین ڈالر رہ گئے ہیں، حکمران ذاتی مفادات کے علاوہ کچھ نہیں سوچتے۔
