کراچی(پوائنٹ پاکستان ) تفصیلات کے مطابق سندھ حکومت نے پھر بلدیاتی انتخابات کرانے سے معذرت کر لی،سندھ حکومت نے صوبائی الیکشن کمیشن کو ایک اور خط لکھ دیا جس میں بلدیاتی انتخابات موخر کرنے کی سفارش کی گئی۔خط میں کہا گیا ہے کہ سکیورٹی کے مسائل کا سامنا ہے اور کوئی بھی ناخوشگوار واقعہ رونما ہوسکتا ہے لہذا سکیورٹی کے فول پروف انتظامات ہونے تک بلدیاتی الیکشن ملتوی کئے جائیں۔مراسلے میں کہا گیا کہ آرمی اور رینجرز کی مطلوبہ تعداد میسر نہیں ہوگی، ممکنہ دہشتگردی، حساس اداروں کے خدشات کو رد نہیں کیا جاسکتا، سکیورٹی فورسز کی عدم دستیابی پر انتخابات نہیں کرائے جاسکتے۔
