کراچی(پوائنٹ پاکستان )تفصیلات کے مطابق وزیر اعلی سندھ نے کراچی کے گوٹھ ریگولرائز کرنے کے لیے 10رکنی کمیٹی تشکیل دیدی۔وزیر اعلی سندھ کی جانب سے کراچی کے گوٹھوں کو ریگولرائز کرنے کے لیے وزیر ریونیو سندھ مخدوم محبوب الزماں کی سربراہی میں دس رکنی کمیٹی تشکیل دے دی گئی ہے جس کا حکومت سندھ کے محکمہ لینڈ یوٹیلائزیشن نے نوٹیفکیشن بھی جاری کردیا ہے۔کمیٹی میں وزیراعلی کے مشیر قانون مرتضی وہاب، سینئر ممبر بورڈ آف ریونیو، ممبر لینڈ یوٹیلائزیشن، ممبر گوٹھ آباد، عوامی نمائندے ایم این اے عبدالحکیم بلوچ، ایم پی اے محمد سلیم بلوچ، سابق سینئر ممبر بورڈ آف ریونیو اشفاق احمد، ڈائریکٹر سیٹلمینٹ سروے اینڈ لینڈ ریکارڈ ڈپارٹمینٹ اور متعلقہ ڈپٹی کمشنر کو شامل کیا گیا ہے۔نوٹیفکیشن کے مطابق گاوں کو ریگولرائز کرنے کے لیے تشکیل دی گئی کمیٹی 21اگست 2008کو سندھ حکومت کی دیہات کو ریگولرائز کرنے کی پالیسی کے تحت کے لیے کسی بھی گاوں کا جائزہ لے گی۔
