ترکیہ (پوائنٹ پاکستان )پاکستان شوبز انڈسٹری کی سینئر اداکارہ عتیقہ اوڈھو ترکی کے ڈرامے کویو بیاز میں اداکاری کر کے غیر ملکی شوبز انڈسٹری میں ڈیبیو کریں گی۔پاکستان میں ترکی کے ڈراموں کو بیحد پسند کیا جاتا ہے ،جہاں اب پاکستان بھی ترکی کی طرز کا ڈرامہ بنایا جا رہا ہے وہیں پاکستانی اداکاروں نے بھی ترکی کے ڈراموں میں انٹری دینا شروع کر دی ہے۔پاکستان کی معروف اداکارہ عتیقہ اوڈھو جلد ترکی کے ڈرامے میں اداکاری کے جوہر دکھاتی نظر آئیں گی، کویو بیاز کے سیٹ پر
اوڈھو کے ساتھ مشہور ترکی اداکار نیسا بولکباشی اتاکان ہوگورین، اتابیق محسن اور ایبرو اکیل جیسے مشہور نام ہوں گے۔عتیقہ اوڈھو نے انسٹاگرام پر ترکی کی پروڈکشن کمپنی کی جانب سے کی گئی پوسٹ شیئر کرتے ہوئے مداحوں کو بتایا کہ وہ بین الاقوامی پراجیکٹ کا حصہ بن چکی ہیں اور جلد ان کے ڈرامے کو نشر کیا جائے گا۔یہ ڈرامہ ٹی آر ٹی ڈیجیٹل اسکرینز پر نشر کیا جائے گا۔
