لاہور(پوائنٹ پاکستان) رواں سال کا دوسراچاند گرہن کل ہوگا۔تفصیلات کے مطابق صدیوں میں سب سے طویل چاند گرہن ہوگا۔محکمہ موسمیات کاکہناہےکہ رواں سال کا دوسرا چاند گرہن 19 نومبر کو ہوگا ۔ پاکستان میں دن ہونے کی وجہ سےچاند گرہن نہیں دیکھا جاسکےگا۔ چاند گرہن افریقہ، امریکہ، آسٹریلیا اور یورپ کے مختلف حصوں میں دیکھا جا سکےگا۔ ناسا کی طرف سے جاری رپورٹ میں کہاگیاہےکہ جمعہ کےروز 580 سالوں کےبعدطویل چاند گرہن ہوگا۔
محکمہ موسمیات کا مزید کہنا ہے کہ چاند گرہن سہ پہر 3 بجکر 47 منٹ پر ختم ہوگا۔ خیال رہے کہ اس سال کا آخری سورج گرہن بھی چاند گرہن کے 15 دن بعد یعنی 4 دسمبر کو ہوگا۔ چاند گرہن پاکستان سمیت ایشیائی ممالک میں نہیں دیکھا جا سکے گا ۔البتہ شمالی و مغربی افریقہ میں دیکھے جانے کاامکان ہے۔
افریقہ، امریکہ،آسٹریلیا ور یورپ کے مختلف حصوں میں چاند گرہن دیکھا جاسکے گا۔ ناسا کا کہنا ہے کہ چاند گرہن 580 سال کا طویل ترین چاند گرہن ہو گا۔ ماہرین کے مطابق چاند گرہن کا دورانیہ 3گھنٹے 28 منٹ اور 23 سیکنڈ کا ہوگا۔ چاند کی 97فیصد سطح کو گرہن لگے گا جو تقریباً مکمل چاند گرہن کے قریب ہے۔
چاند گرہن کے دوران چاند کا صرف ایک چھوٹا سا حصہ ہی سفید نظر آئے گا۔ سورج اور چاند سیارے کے مخالف سمتوں سے گزرتے ہی تقریباً 97 فیصد چاند زمین کے سائے میں غائب ہو جائیں گے۔
محکمہ موسمیات کے مطابق چاندگرہن کا آغاز پاکستانی وقت کے مطابق صبح 11 بج کر 2 منٹ پر ہوگا۔ چاند گرہن 12 بجکر 19 منٹ پر عروج پر ہو گا۔ محکمہ موسمیات کا کہنا ہے کہ چاند گرہن کا اختتام دوپہر 3 بج کر 47 منٹ پر شروع ہوگا۔ چاند گرہن کا مکمل اختتام 5 بج کر 4 منٹ پر ہو جائے گا۔
چاند گرہن کے 15 روز بعد رواں سال کا آخری سورج گرہن 4 دسمبر کو ہوگا۔ سورج گرہن بھی پاکستان سمیت ایشیائی ملکوں میں نظر نہیں آئے گا۔ سورج گرہن پاکستانی وقت کے مطابق صبح10بجکر 30منٹ پر شروع ہو گا۔ مکمل گرہن دوپہر12بجکر 10منٹ پر ہوگا اور2بجکر30منٹ پر سورج گرہن ختم ہوگا ۔
