کراچی(پوائنٹ پاکستان )ترجمان کے مطابق پاکستان میری ٹائم سیکیورٹی ایجنسی اور کلیکٹو ریٹ آف کسٹمز انفورسمنٹ کراچی نے بحیرہ عرب میں گزشتہ پانچ دنوں کے اندر مسلسل تین انسدادِ منشیات آپریشنز کرکے 8 ارب روپے کی منشیات برآمد کرلی۔ترجمان پاکستان میری ٹائم سیکیورٹی ایجنسی کے مطابق نامعلوم 03کشتیوں سے27کلو ہیروین اور 1460کلو چرس برآمد کی گئی، تینوں کشتیوں سے ضبط شدہ منشیات کی مالیت تقریبا 3 ارب روپے بتائی جاتی ہے۔ایک کشتی کے اسمگلروں نے پی ایم ایس اے کے جہاز کو دیکھتے ہی اپنی کشتی کو آگ لگا کر سمندر میں چھلانگ لگا دی، تمام اسمگلروں کو جنہوں نے سمندر میں چھلانگ لگائی انھیں بحفاظت بچا لیا گیا اور منشیات کو قبضے میں لے لیا گیا۔تینوں کشتیوں میں موجود تمام 15اسمگلروں کو حراست میں لیکر منشیات سمیت کراچی پہنچا دیا گیا۔ترجمان کا کہنا ہے کہ گزشتہ تین ہفتوں میں دونوں اداروں کا مشترکا چوتھا آپریشن ہے جس میں اب تک 8 ارب روپے مالیت کی منشیات اور 21اسمگلروں کو حراست میں لیا گیا۔
