اسلام آباد(پوائنٹ پاکستان ) وزیر داخلہ نے کہا ہے کہ پی ٹی آئی کی وفاق پرچڑھائی روکنا صوبائی حکومتوں کی ذمہ داری ہے۔پی ٹی آئی کے 26نومبر کیلانگ مارچ کے حوالے سے وفاقی وزیر داخلہ رانا ثنا اللہ کی زیر صدارت اسلام آباد میں وزارت داخلہ میں امن وامان سیمتعلق اہم اجلاس ہوا۔وزیرمملکت برائے داخلہ عبدالرحمن کانجو، وفاقی سیکرٹری داخلہ یوسف نسیم کھوکھر، پنجاب ہوم ڈیپارٹمنٹ اور قائم مقام آئی جی، آئی جی اسلام آباد و چیف کمشنر اسلام آباد، سکیورٹی ایجنسیز کے نمائندے اجلاس میں شریک ہوئے جبکہ آئی جی کے پی پولیس معظم جاہ اور چیف سیکرٹری کے پی آن لائن شریک ہوئے۔اجلاس میں پی ٹی آئی کے جلسے/دھرنیکے حوالے سے حکمت عملی پر تبادلہ خیال ہوا ۔ شرکا نے وزیر داخلہ رانا ثنااللہ کو پی ٹی آئی اجتماع اور سکیورٹی سے متعلق بریفنگ دی۔شرکا نے وفاق پرممکنہ حملے کی صورت میں آئین اور قانون کی مکمل پاسداری کرنے کی یقین دہانی کرائی۔وزیر داخلہ رانا ثنااللہ نے ہدایت کی کہ سیاسی جماعت کیطرف سیوفاق پرچڑھائی کیغیرقانونی اقدام کو روکنا صوبائی حکومتوں کی آئینی ذمہ داری ہے۔انہوں نے کہا کہ چیف سیکریٹریز یقینی بنائیں کہ کوئی سرکاری ملازم وفاق پر چڑھائی کے کسی اقدام یا منصوبے کا حصہ نہ بنے۔
