اسلام آباد(پوائنٹ پاکستان ) ذرائع کے مطابق کنونشن سنٹر اسلام آباد کو نجکاری لسٹ سے نکالنے کی سینیٹ کی قائمہ کمیٹی برائے نجکاری نے سفارش کر دی۔سینیٹر شمیم آفریدی کی زیر صدارت سینیٹ کی قائمہ کمیٹی کا اجلاس ہوا، کمیٹی اجلاس میں نجکاری پروگرام میں پیشرفت اور مکمل کی گئی ٹرانزیکشنز کا جائزہ لیا گیا۔چیئرمین سی ڈی اے نے بتایا کہ سی ڈی اے کو خدشہ ہے بلڈنگ گرا کر کنکریٹ کا جنگل بنا دیا جائے گا، اس اقدام سے سی ڈی اے کے بائی لاز کی خلاف ورزی ہوگی۔سیکریٹری نجکاری ڈاکٹر ارم نے کہا کہ 1991 سے اب تک نجکاری کی 178 ٹرانزیکشنز مکمل کی گئیں، نجکاری پروگرام سے اب تک 649 ارب روپے حاصل ہو چکے ہیں۔
