اسلام آباد:(پوائنٹ پاکستا ن) سابق وفاقی وزیر اور پاکستان تحریک انصاف کی سینئر رہنما ڈاکٹر شیریں مزاری کو اسلام آباد پہنچادیا گیا۔
ذرائع کے مطابق ڈاکٹر شیریں مزاری کو اینٹی کرپشن پنجاب کی ٹیم اسلام آباد لائی ہے،ڈاکٹر شیریں مزاری کو اسلام آباد ہائی کورٹ میں پیش کیا جائے گا۔
ذرائع کے مطابق جوڈیشل مجسٹریٹ کی عدم موجودگی پر شیریں مزاری کی رہائی نہیں ہوسکے گی، سابقہ وفاقی وزیر اسلام آباد ہائی کورٹ سے ضمانت پر رہائی لیں گی۔
خیال رہے کہ شیریں مزاری کو زمین پر قبضے کے کیس میں پنجاب کے محکمہ انسداد بدعنوانی نے گرفتار کیا گیا تھا۔
وزیراعلیٰ پنجاب حمزہ شہباز نے پی ٹی آئی کی رہنما اور سابق وفاقی وزیر انسانی حقوق شیریں مزاری کو فوری رہا کرنے کا حکم دیا تھا۔
