رحیم یار خان : ( پوائنٹ پاکستان) آج 8مئی اتوار کے روز پاکستان سمیت دنیا بھر میں ماؤں کا عالمی دن ”ورلڈ مدرز ڈے“ بھرپور انداز سے منایا جا رہا ہے ۔ اس دن کے منانے کا مقصد ماں کے مقدس رشتے کی عظمت واہمیت کو اجاگر کرنا اور ماں کیلئے محبت کے جذبات کو فروغ دیناہے اس سلسلے میں ملک بھر میں تقریبات کا اہتمام کیا جا رہا ہے ۔
مختلف تقریبات سے خطاب کے دوران مقررین ماں کی شان اور عظمت کے مختلف پہلوؤں پر روشنی ڈالتے ہیں، سرکاری نجی ٹی وی چینلز سے بھی ماں کے حوالے سے خصوصی پروگرام نشر کیے جاتے ہیں۔ بدقسمتی سے سوشل میڈیا پر ماؤں کے ساتھ سیلفیز نہ ہونے کے برابر ہوتی جبکہ فادر ڈے پر سیلفیوں کی بھرمار ہوتی ہے ۔اخر اس کی وجہ کیا ہے ؟
واضح رہے ماں کے عالمی دن کی ابتدا 8مئی1914ء میں اس وقت کے امریکی صدر ووڈ ولسن کے حکم پر ہوئی جنہیں اپنی ماں سے بہت زیادہ محبت تھی اس وقت سے ماں کا یہ عالمی دن ہر برس ماہ مئی کے دوسرے اتوار کو دنیا بھر میں پورے اہتمام کے ساتھ منایا جاتا ہے۔پاکستان بھر میں بھی ماں کی عظمت کے اعتراف میں یہ عالمی دن منایا جاتا ہے اس دن کی مناسبت سے لوگ اپنی ماؤں کو خصوصی تحائف، گلدستے اور پھول پیش کریں گے جبکہ جن کی مائیں ان سے وفات پا چکی ہیں وہ ان کی قبروں پر جاکر آنسوؤں کا نذرانہ پیش کریں گے۔
