پتوکی (پوائنٹ پاکستان رپورٹ نوید بھٹی ) باراتیوں پرپاپڑ فروش کوتشدد کرکے قتل کے الزام کا معاملہ نجی شادی حال کے اندر باراتی پرسکون ماحول میں مقتول کی لاش کے ساتھ بیٹھے کھانا کھاتے رہے ویڈیو سوشل میڈیا پر وائرل ہوگئی پولیس نے نامعلوم ملزمان کیخلاف مقدمہ درج کرکے شادی حال مینجر سمیت 13 ملزمان کو کنگن پور،پتوکی،سرائے مغل سے رات گئے چھاپے مارکر حراست میں لے لیا
کسی بھی قسم کا کوئی تشدد نہیں کیا پاپڑ فروش کی ہارٹ اٹیک کے باعث موت واقع ہوئی گرفتار ملزمان،مینجر وقاص وکی کا بیان
تحصیل پتوکی تھانہ سٹی پتوکی کے علاقہ کہنہ روڈ پتوکی پر واقع نجی شادی حال کے احاتحہ میں جاگو والا چک نمبر 4 کا رہائشی مقتول محمد اشرف عرف سلطان پاپڑ فروش باراتیوں کی بارات سے نوٹ لوٹ رہا تھا اور مقتول نوٹ لوٹتے ہوئے شادی حال میں چلا گیا اور اچانک ہارٹ اٹیک کے باعث مقتول کی موت واقع ہوگئی مقتول کی لاش کے ساتھ بیٹھے باراتی پرسکون ماحول میں کھانا کھاتے رہے ویڈیو سوشل میڈیا پر وائرل ہوگئی اطلاع ملتے ہی ڈی ایس پی سرکل پتوکی آصف حنیف جوئیہ پولیس کی بھاری نفری کے ہمراہ موقع پر پہنچے جنہوں نے فوری طورپر شادی حال کے مینجروقاص عرف وکی کو گرفتار کرلیا جبکہ تمام باراتی موقع سے فرار ہوگئے کوئی بھی باراتی پولیس کے ہتھے نہ چڑھ سکا میڈیا پر خبر نشر ہوتے ہی وزیر اعلی پنجاب سردار عثمان بزدار، انسپکٹر جنرل آف پنجاب راؤ سردار علی خان نے واقع کا نوٹس لیتے ہوئے آر پی او شیخوپورہ ریجن سے رپورٹ طلب کرلی جس پر ڈی پی او قصور صہیب اشرف گجر نے ضلع بھر کی پولیس کو ملزمان کی گرفتاری کا حکم جاری کیا جس پر پتوکی پولیس نے شادی حال مینجر سمیت 13 ملزمان کو مختلف مقامات پتوکی،سرائے مغل،کنگن پور سے رات گئے چھاپے مارکر حراست میں لے لیا گرفتار کئے گئے ملزمان سے پولیس کی جانب سے پوچھ گچھ جاری ہے تھانہ سٹی پتوکی پولیس نے مقتول کے بہنوئی پرویز کی تحریری درخواست پر نامعلوم ملزمان کیخلاف مقدمہ درج کرلیا۔گرفتار ملزمان،مینجر وقاص وکی کا کہنا ہے کہ کسی بھی قسم کا کوئی تشدد نہیں کیا پاپڑ فروش کی ہارٹ اٹیک کے باعث موت واقع ہوئی حکومتی ادارے میرٹ پر کھلم کھلا تحقیقات کرسکتے ہیں ہم سب بے گناہ ہیں
