ملتان:(پوائنٹ پاکستان) ہائیکورٹ ملتان بینچ نے ماڈل قندیل بلوچ کیس کے مرکزی ملزم کو بری کردیا۔تفصیلات کےمطابق ملزم وسیم کو راضی نامے کی بنیاد اور گواہوں کے بیانات سے منحرف ہونے پر بری کیا گیا ہے اور ملزم مقتولہ قندیل کا بھائی ہے۔قندیل قتل کیس کے مرکزی ملزم وسیم کی جانب سے ایڈووکیٹ سردار محبوب نے دلائل پیش کیے تھے۔
خیال رہےکہ ماڈل گرل و اداکارہ قندیل بلوچ کو 15 جولائی 2016 کو مظفرآباد میں غیرت کے نام پر قتل کیا گیا تھا، قندیل کی لاش گھر سے ملی تھی جس کے بعد اس کے بھائی محمد وسیم کو گرفتار کیا گیا، ملزم (مقتولہ کا بھائی ) کو 27 ستمبر 2019 کو ملتان کی ماڈل کورٹ نے عمر قید سنائی تھی جبکہ عدالت نے قتل کی اس واردات میں ملوث دیگر افراد کو بری کر دیا تھا ۔ بری ہونے والوں میں مفتی عبدالقوی بھی شامل تھے ۔
واضح رہے ماڈل قندیل بلوچ کے والد عظیم کی جانب سے عدالت میں درخواست دائر کی گئی تھی جس میں کہا گیا تھا کہ ہم نے اللہ کی رضا کی خاطر اپنے بیٹے کو معاف کر دیا ہے لہذا عدالت بھی اسے معاف کردے۔
