میرپورخاص :(پوائنٹ پاکستان) صوبہ سندھ میں ظلم کی انتہا ہو گئی نوکوٹ میں مسلح درندوں نے دوسری کمیونٹی سے تعلق رکھنے والی 13 سالہ بچی سمیت دو لڑکیوں کو گھر سے اغوا کرکے پوری رات اجتماعی زیادتی کا نشانہ بنایا اور اگلے روش متاثرہ لڑکیوں کو ایک پولیس اہلکار کے گھر چھوڑ کر فرار ہوگئے۔
میڈیا رپورٹس کے مطابق ملزمان ساری رات لڑکیوں کے ساتھ اجتماعی زیادتی اور انہیں بہیمانہ تشدد کا نشانہ بناتے رہے۔اہل خانہ نے تھانے جاکر واقعہ کا مقدمہ درج کرایا لیکن پولیس ملزمان کو گرفتار کرکے خواتین کو بازیاب کرانے میں ناکام رہی۔
بعدازاں پولیس نے کارروائی کرتے ہوئے 12 ملزمان کو گرفتار کر لیا جبکہ 8 ملزمان فرار ہونے میں کامیاب ہوگئے۔پولیس کے مطابق دونوں مغوی لڑکیوں کا میڈیکل معائنہ کرایا گیا ہے اور روپوش ملزمان کی گرفتاری کے لیے مختلف پولیس ٹیمز تشکیل دی گئی ہیں جو چھاپے مار رہی ہیں۔
دوسری جانب حکومت سندھ کے ترجمان و مشیر قانون سندھ بیرسٹر مرتضی وہاب نے نوکوٹ میں معصوم بچیوں کے ساتھ پیش آنے والے افسوسناک واقعہ کا نوٹس لیتے ہوئے پولیس حکام سے واقعہ کی تفصیلی رپورٹ طلب کرلی ہے ۔
