اسلام آباد:(پوائنٹ پاکستان) وفاقی وزیر برائے انسانی حقوق شیریں مزاری کی صاحبزادی ایڈوکیٹ ایمان زینب مزاری کے خلاف بغاوت کا مقدمہ درج کر لیا گیا۔
رپورٹ کے مطابق بلوچ طلبہ نے یکم مارچ کو نیشنل پریس کلب کے سامنے احتجاج کیا تھا جس پر پولیس نے لاٹھی چارج کیا تھا،رکن قومی اسمبلی( ایم این اے ) محسن داوڑ سمیت احتجاج میں شریک سیکڑوں طلبہ کےخلاف بھی مقدمہ کرلیا گیا ہے۔
رپورٹ کے مطابق اسلام آباد کےتھانہ کوہسار میں بغاوت کی ایف آئی آر درج کی گئی ہے، بغاوت اور بلوے کی دفعات مبینہ طور پر ریاست مخالف نعرے لگانے پر لگائی گئیں ہیں۔
