بہاولنگر ضلع کا ایک اور بہادر سپوت مادروطن پر قربان ہوگیا

بہاولنگر(پوائنٹ پاکستان)شمالی وزیرستان میں ملک دشمن دہشت گردوں کے ساتھ مقابلے میں گذشتہ روز شہید ہونے والے پاک فوج کے حوالدار محمد منور بھٹی کی نماز جنازہ ادا شہید کی مکمل فوجی اعزاز کے ساتھ آبائی قبرستان میں تدفین کردی گئی۔تفصیلات کے مطابق بہاولنگر ضلع کا ایک اور بہادر سپوت مادروطن پر قربان ہوگیا شمالی وزیرستان میں گذشتہ روز ملک دشمن دہشت گردوں کے ساتھ مقابلے میں جام شہادت نوش کرنے والے پاک فوج کے حوالدار محمد منور بھٹی کی نماز جنازہ آبائی علاقہ بہاولنگر چک سوائی والا میں ادا کی گئی نماز جنازہ میں پاک فوج کے افسران،اہل علاقہ کی کثیر تعداد نے شرکت کی نماز جنازہ کی ادائیگی کے بعد شہید کے جسد خاکی کو آبائی قبرستان لیجایا گیا جہاں شہید کی مکمل فوجی اعزاز کے ساتھ تدفین کی گئی پاک فوج کے چاق و چوبند دستے نے شہید کو سلامی پیش کی شہید کی قبر پر سبز ہلالی پرچم لہرایا گیا آرمی چیف اور دیگر کی جانب سے پھولوں کی چادریں چڑھائی گئیں شہید کی نماز جنازہ تدفین کے موقع پر پرجوش جذباتی مناظر نظر آئےفضا نعرہ تکبیر، نعرہ رسالت پاکستان زندہ باد، پاک فوج زندہ باد کے نعروں سے گونجتی رہی شہید محمد منور بھٹی سال 2002 میں بطور سپاہی پاک فوج میں شامل ہوئے شہید محمد منور بھٹی کے سوگواران میں والدہ ، اہلیہ ، ایک بیٹا اور 3 بیٹیاں ،1 بھائی اور 7 بہنیں شامل ہیں