اسلام آباد:(پوائنٹ پاکستان) بلوچستان میں امن و امان کی خراب صورتِ حال کے پیش نظر اور بلوچستان کے علاقوں پنجگور اور نوشکی میں دہشت گرد حملے کے بعد وزارت داخلہ نے ملک بھر کے لیے ہائی الرٹ جاری کردیا۔
تفصیلات کے مطابق وزارت داخلہ نے ایک بار پھر ملک بھر میں ہائی الرٹ جاری کیا گیا ہے ، جس میں تمام قانون نافذ کرنے والے اداروں کو سیکیورٹی کے سخت انتظامات کرنے کی ہدایت کی گئی ہے۔وزارت داخلہ کی جانب سے کہا گیا ہے کہ بلوچستان فرنٹیئر کانسٹیبلری (ایف سی) نے دہشت گرد حملہ کامیابی سے ناکام بنایا اور دشمن کے عزائم کو خاک میں ملا دیا۔وزارتِ داخلہ نے دہشت گردوں سے مقابلے میں جام شہادت نوش کرنے والے بہادر سپوتوں کے جذبے کی تعریف کرتے ہوئے کہا کہ شہدا کو پوری قوم سلام پیش کرتی ہے۔
یہ بھی پڑھیں: بلوچستان میں دہشتگرد حملے ناکام بنانے پر سکیورٹی فورسز کو خراج تحسین پیش کرتا ہوں : وزیر اعظم
خیال رہے کہ ایک روز قبل فورسز نے بلوچستان کے علاقوں پنجگور اور نوشکی میں دہشت گردوں کے حملوں کو ناکام بناتے ہوئے کلیئرنس آپریشن کیا تھا ، جس میں 13 دہشت گردہلاک ہ جبکہ فائرنگ کے تبادلے میں پاک فوج کے 7 جوان شہید اور 3 زخمی ہو گئے تھے۔
