اسلام آباد:(پوائنٹ پاکستان ) آئندہ عام انتخابات کے پیش نظر وزارت وفاقی تعلیم اور پیشہ ورانہ تربیت نے جمعرات کو اسلام آباد میں 6 سے 9 فروری تک سرکاری اور نجی تعلیمی ادارے بند رکھنے کا اعلان کیا ہے۔
وزارت کی جانب سے جاری بیان کے مطابق: “پاکستان میں 8 فروری 2024 کو ہونے والے آئندہ عام انتخابات 2024 کے پیش نظر 6 سے 9 فروری تک عام تعطیل کا اعلان کرنے کا فیصلہ کیا گیا ہے۔”
اس میں مزید کہا گیا ہے کہ وفاقی دارالحکومت میں تعلیمی ادارے “10 فروری (ہفتہ) کو دوبارہ کھلیں گے”۔
تاہم، سرکاری اور نجی اسکول 3 سے 11 فروری تک درحقیقت بند رہیں گے۔ اسکول ہفتہ اور اتوار کو دو ہفتہ وار تعطیلات رکھتے ہیں، اس لیے یہ ہفتہ (3 فروری) کو بند رہیں گے۔
اس کے علاوہ وفاقی حکومت نے 5 فروری (پیر) کو ’’یوم یکجہتی کشمیر‘‘ کے موقع پر عام تعطیل کا اعلان کیا تھا۔ عام انتخابات کے باعث تعلیمی مراکز 6 سے 9 فروری تک بند رہیں گے۔
9 دن کے وقفے کے بعد، اسکول 12 فروری (پیر) کو دوبارہ کھلیں گے۔
