لاہور:(پوائنٹ پاکستان) لاہور کے علاقے کاہنہ پب جی گیم کھیلنے والے نوجوان کے ہاتھوں ماں ،بھائی اور بہنوں کے قتل کا واقعہ ، پنجاب پولیس نے پب جی گیم پر پابندی کا مطالبہ کر دیا۔
تفصیلات کے مطابق پنجاب پولیس کی جانب سے جاری بیان کے مطابق کاہنہ لاہور میں والدہ اور 3 بچوں کے قتل کے معاملے پر پب جی گیم کا عادی بیٹا ہی قاتل نکلا۔ ملزم نے گھر میں موجود والدہ کے پسٹل سے ماں، بہنوں اور بھائی کو قتل کیا۔
سماجی رابطے کی ویب سائٹ ٹویٹر پر جاری کردہ بیان کے مطابق پنجاب پولیس نے خطرناک گیم (PUBG)پر پابندی لگانے کیلئے صوبائی و وفاقی حکومت سے سفارش کا فیصلہ کیا ہے۔
یہ بھی پڑھیں: پب جی کھیلنے سے منع کرنے پر بیٹے نے ماں ،2 بہنوں اور بھائی کو قتل کردیا
دوسری جانب ایس ایس پی انویسٹی گیشن عمران کشور نے نجی ٹی وی سے گفتگو کرتے ہوئے کہا کہ پب جب کو پاکستان میں بند کر دینا چاہیے، نوجوان نسل اس گیم میں پوری طرح ڈوب چکی ہے۔
