اسلام آباد:(پوائنٹ پاکستان) وفاقی وزیراطلاعات و نشریات چودھری فواد حسین کا کہنا ہے کہ وزیراعظم عمران خان کے دورہ چین کا مقصد سرمائی اولمپکس میں پاکستان کی نمائندگی کرنا ہے۔
وزیراطلاعات فواد چودھری نے کہا کہ وزیراعظم آج چین کے دورے پرروانہ ہوں گے۔ وزیراعظم عمران خان کے دورے کا مقصد سرمائی اولمپکس میں پاکستان کی نمائندگی کرنا ہے، واضح رہے افتتاحی تقریب میں 20 ممالک کے سربراہان شرکت کریں گے۔
فواد چودھری نے کہا کہ وزیراعظم عمران خان کی چین کے صدر شی جن پنگ اور وزیراعظم لی کی چیانگ سے علیحدہ علیحدہ ملاقاتیں ہوں گی۔
وزیر اطلاعات نے مزید بتایا کہ چین کے صدر شی جن پنگ 2سال بعد کسی عالمی رہنما سے ملاقات کریں گے جو وزیراعظم عمران خان ہیں۔انہوں نے بتایا کہ وزیراعظم عمران خان کے اس دورہ سے پاکستان اورچین کے گہرے تعلقات کی وسعت میں مزید اضافہ ہوگا۔
