اسلام آباد:(پوائنٹ پاکستان) وزیراعظم پاکستان عمران خان نے بہترین کارکردگی پر وفاقی وزرا میں تعریفی اسناد تقسیم کیں۔
میڈیا رپورٹس کے مطابق وزیراعظم ہاؤس میں ہونے والی تقریب میں بہترین کارکردگی پر ورزرا، مشیر اور معاون خصوصی کو تعریفی اسناد دی گئیں جن میں کارکردگی کی بنیاد پر مراد سعید کی وزارت مواصلات کا پہلا نمبر رہا اور انہیں پہلا ایوارڈ دیا گیا۔
رپورٹ کے مطابق اس کے علاوہ اسد عمر کی وزارت پلاننگ کا دوسرا، غربت خاتمےکی وزارت کا تیسرا، شفقت محمود کی وزارت تعلیم کا چوتھا، شیریں مزاری کی وزارت انسانی حقوق کا پانچواں، خسرو بختیار کی وزارت صنعت کا چھٹا، نیشنل سکیورٹی ڈویژن کا ساتواں، عبد الرزاق داؤد کی وزارت تجارت کا آٹھویں، وزیر داخلہ شیخ رشید کی وزارت داخلہ نواں اور سید فخر امام کی نیشنل فوڈ سکیورٹی کا آخری نمبر تھا۔وزیراعظم عمران کی معاون خصوصی ثانیہ نشتر ، مشیر قومی سلامتی معید یوسف اور مشیر تجارت عبدالرزاق داؤد کو بھی بہترین کارکردگی پر ایوارڈ دیا گیا۔
واضح رہے جن وزراء کوشاندار کارکردگی پر سرٹیفکیٹ ملے گا، ان کی وزارتوں کے ملازمین کو بھی اضافی الاؤنس دیا جائے گا۔
