اسلام آباد : (پوائنٹ پاکستان) وفاقی وزیر داخلہ شیخ رشید نے خبردار کیا ہے کہ دہشت گرد ملک میں کہیں بھی کوئی واردات کرسکتے ہیں،فورسز چوکنا رہیں۔
تفصیلات کے مطابق وفاقی دارالحکومت اسلام آباد میں محسن عزیز کی زیرصدارت سینیٹ قائمہ کمیٹی داخلہ کا اجلاس ہوا،جس میں پنجگور اورنوشکی میں شہید سیکیورٹی فورسزکےجوانوں کیلئے دعائے مغفرت کی گئی۔
وزیر داخلہ نے کمیٹی کو بریفنگ دیتے ہوئے بتایا کہ ٹی ٹی پی کی شرائط ایسی تھیں جومانی نہیں جاسکتی تھیں، جس کے باعث مذاکرات آگے نہیں چل سکے،شیخ رشید نے کہا کہ پچھلے کچھ عرصے میں ٹی ٹی پی نے دس کوششیں کی ہیں،ہمارے لوگ ابھی بھی گئےہیں لیکن مذاکرات آگےنہیں بڑھ سکے، ان کی طرف سے اشارے ملے ہیں کہ مذاکرات کامیاب نہیں ہوں گے، تحریک طالبان پاکستان (ٹی ٹی پی) کی شرائط ہماری حکومت کوقبول نہیں۔
یہ بھی پڑھیں: بلوچستان میں حملوں کےبعد ملک بھر کے لیے ہائی الرٹ جاری
وفاقی وزیر شیخ رشید احمد نے مزید بتایا کہ افغانستان کے بارڈرایریاز میں یہ لوگ موجودہیں، ٹی ٹی پی کے بہت سے گروپ شاید اکٹھے بھی ہوئے، ٹی ٹی پی کے 2 دہشت گرد اسلام آباد میں مارے گئے۔نوشکی اور پنجگور حملوں کے واقعات میں کمیونیکیشن پکڑی گئی ہے کہ یہ لوگ افغانستان اور بھارت کےساتھ رابطے میں تھے، ہمارے7لوگ شہیدہوئے ہیں۔
